EMOTIVO E ENTRAÑABLE RECITAL EN TRABANCA BADIÑA

 Foi este pasado sábado, 26, na Casa de Cultura de Trabanca Badiña. Ofrecemos unha pequena reportaxe gráfica para a lembranza:

Imaxe de Xermán Manuel Torres

Foto de Xermán Manuel Torres

Outra imaxe de Xermán

Fotografía de Carmen Castejón

Vídeoclip da Al Guanella

PAULA CASCALLAR LATORRE CONTRA TODA VIOLENCIA

A nosa compañeira Paula le o seu poema que reflicte a violencia dunhas mulleres cara outras. Mulleres que renegan do seu feminismo e adoptan posturas machistas, converténdose en inimigas do seu propio sexo cun complexo de inferioridade e un machismo inconcibible; temos mostras máis que significativas estes últimos días. Ánimo a Paula pola túa solidariedade cara as mulleres violentadas e víctimas dun machismo irracional e fóra de lugar no noso tempo e oxalá que en todo o mundo.

VIOLENCIA MACHISTA NUNCA MÁIS!!!

 

NON Á VIOLENCIA MACHISTA

 25 N - VIOLENCIA MACHISTA NUNCA MÁIS

CXXVII MESA DAS VERBAS NA CASA DE CULTURA DE TRABANCA BADIÑA-26-11-2022

 

REPERTORIO QUE INTERPRETARÁN

1.- Salió de Jamaica                                                                                     4.- Aleluya

2.- Los sonidos del silencio                                                                          5.- María si vas

3.- O Carro                                                                                                   6.- La cucaracha

                                                           7.- O voso galo comadre

II CONCURSO DE POESÍA EN LINGUA GALEGA XAQUINA TRILLO

 

- Pódense presentar os poemas ata o 30 do presente mes de novembro de 2022.

- O poema non pode exceder dos 60 versos, necesariamente ha estar escrito en lingua galega.

- Fallo do xurado no mes de decembro de 2022.

- Entrega de premios prevista sobre a primeira quincena do mes de febreiro de 2023, nun acto que se anunciará.

- Os orixinais pódense entregar por medio dunha urna que está colocada no Centro Comercial Arousa, ou ben enviándoos a dirección postal de dito centro

II PREMIO DE POESÍA EN LINGUA GALEGA

Xaquina Trillo

 BASES

A Asociación Cultural Mesa das Verbas de Vilagarcía de Arousa en colaboración coa Concellería de Cultura do Concello de Vilagarcía de Arousa e co Centro Comercial Arousa de Vilagarcía e co apoio imprescindible da Deputación Provincial de Pontevedra convoca o II Concurso de Poesía en Lingua Galega “Xaquina Trillo”, que se rexerá sobre as seguintes bases e indicando que o fallo do xurado será inapelable e será este o intérprete do contido e do espírito destas bases. A participación neste concurso implica a aceptación plena e absoluta das bases e aceptación sen condicións das  decisións soberanas do xurado.

 

I.                  O concurso está dirixido á participación da mocidade que estea a cursar os estudos de Bacharelato; é dicir destinado a mozas e mozos entre 16 e 18 anos. A idade acreditarase presentando unha fotocopia do NIF ou co resgardo da matrícula no Bacharelato no presente curso escolar 2022-2023.

II.               Os premios en ningún caso poderán declarase desertos, agás no caso da non participación.

III.           Participarase cun poema que non exceda  dos 60 versos, extensión máxima sesenta versos. O poema ten que ser inédito e orixinal e non ter sido premiado en ningún outro concurso.

IV.           O poema ten que estar escrito necesariamente en idioma galego.

V.              Presentarase baixo plica, do seguinte xeito: Nun sobre grande incluirase o poema, que non pode levar ningún signo de identidade, agás dun lema para o seu recoñecemento. Nun sobre pequeno, que se introducirá no grande irá unha cuartilla co lema e cos seguintes datos da autora ou do autor: a) Nome e apelidos; b) Idade acreditada coa fotocopia do NIF onde figura a data de nacemento ou unha copia do resgardo da matrícula no Bacharelato correspondente ao curso escolar 2022-2023; c) Un enderezo de correo electrónico; d) Un número de teléfono; e) A dirección postal do autor; f) O nome e identificación do centro de estudos, g) Un pequeno escrito de autorización para a utilización dos datos persoais a efectos de participación no concurso, avalado pola nai/pai ou titor/a da persoa participante (no caso de ser menor de idade) e co seu consentimento. O sobre pequeno levará eses datos no seu interior e estará pechado.

VI.           O sobre co seu contido será depositado nunha urna que estará situada nun lugar sinalado e publicitado no Centro Comercial Arousa de Vilagarcía. Ou ben pode enviarse por correo postal ao seguinte enderezo:  II Concurso de Poesía en Lingua Galega “Xaquina Trillo” - Dirección Centro Comercial Arousa, Prolongación Parque a Xunqueira, s/n – 36600 Vilagarcía de Arousa (Pontevedra).

VII.       O prazo de entrega será desde o 20 de setembro de 2022 ata o 30 de novembro de 2022.

VIII.    O fallo darase a coñecer no mes de decembro de 2022.

IX.           A entrega de premios será nun acto que celebre o Concello de  Vilagarcía de Arousa co motivo deste certame e que oportunamente se anunciará.

X.              Publicaranse os poemas premiados no blog: www.mesadasverbas.blogspot.com  Tamén se publicarán nun número da nosa revista poética ANACO, editada polo Concello de Vilagarcía de Arousa, así como nunha edición especial do noso Boletín Medulio, que se distribuirá no acto de entrega de premios e tamén se fará chegar aos centros de estudo. Para isto, os autores, por medio dos seus titores (caso de minoría de idade), cederán durante un ano os dereitos dos seus poemas para facilitar dita publicación.

XI.           PREMIOS: a) 1º Premio que consistirá en 300 € en metálico, un vale de 100 € para gastar no Centro Comercial Arousa e xentileza do mesmo, un diploma e un agasallo do Concello de Vilagarcía de Arousa. b) 2º Premio que consistirá en 200 €, un vale de 50 € do Centro Comercial Arousa, un diploma e un agasallo do Concello de Vilagarcía de Arousa.  c) 3º Premio que consistirá en 100 €, un vale de 25 € do Centro Comercial Arousa e un diploma e un agasallo do Concello de Vilagarcía de Arousa.

XII.       O Xurado estará composto por un mínimo de tres persoas que serán designadas pola Asociación Cultural Mesa das Verbas, A Concellería de Cultura do Concello de Vilagarcía de Arousa e polo Centro Comercial Arousa.

XIII.    Reitérase que o fallo do xurado é inapelable, encargado de dirimir e interpretar sobre as presentes bases e que a participación neste concurso supón a plena e absoluta aceptación das mesmas.

XIV.   O resultado do concurso será dado a coñecer aos concursantes e será publicado no blog oficial da Asociación Cultural Mesa das Verbas antes citado, así como na web do Concello de Vilagarcía de Arousa e na web e Facebook do Centro Comercial Arousa. Tamén serán enviadas notas de prensa con toda a información pertinente sobre o concurso aos medios de comunicación social locais.

XV.       O manexo dos datos persoais dos concursantes será exclusivamente para os asuntos relacionados con este concurso, publicidade, comunicacións, publicacións. Os concursantes premiados, por medio dos seus titores legais (se é o caso), cumprimentarán un documento para a autorización do manexo dos seus datos persoais cos fins exclusivos xa expresados deste concurso.

XVI.   Os traballos non premiados poderán ser recollidos. Pasado un mes de coñecido o fallo, despois procederase a súa destrución e xa non poderán ser reclamados.

O fin deste concurso é promover a creatividade en lingua galega e fomentar a poesía en idioma galego entre a mocidade.

Amosar de antemán a nosa gratitude a todos os participantes, ao xurado, ás entidades colaboradoras e a todos cantos contribuíron ao anuncio, difusión e desenvolvemento, así como ao bo fin deste concurso. Destacando a inestimable colaboración da Deputación de Pontevedra que axudou a promover este premio, mediante a concesión dunha subvención para este fin.

Pretendemos a súa continuidade no tempo, compartindo ademais a arela do poeta Álvaro Cunqueiro de mil primaveras máis para a nosa lingua e para a nosa cultura.

 

 

  

REPORTAXES GRÁFICAS XEIRA DE CALDAS DE REIS - 01-10-2022

 Da inesquecible Xeira en Caldas de Reis onde compartimos verbas, versos e amizade, aí van as reportaxes gráficas:

REPORTAXE DE XERMÁN MANUEL TORRES:

IMAXE DE DULA PIÑEIRO:

MICROVÍDEOS DE XERMÁN MANUEL TORRES:

REPORTAXE GRÁFICA DE TERE BRIONES BERRIDY:

CHURCH OF SANTA MARÍA OF CALDAS DE REIS BY AUGUSTO GUEDES

 

Igrexa de Santa María de Caldas de Reis

             SANTA MARÍA

Parroquia do municipio do mesmo nome, pertencente ao arciprestazgo de Moraña e diocese de Santiago de Compostela.

Para López Ferreiro a igrexa é do século XI ou XII, coa finalidade de “substituír a la que Almanzor destruyó del monasterio de Santa María”.

A igrexa de Santa María ten unha soa nave e a cabeceira recta, a que se lle engadiron dúas capelas rectangulares, a capela norte dedicada a San Diego mandada construír por Buceta Caamaño en 1602.

A capela sur é a da Virxe do Carme e levantouse en 1759 cun retablo  feito de pedra. Outros engadidos a ese corpo orixinario foron a torre barroca construída por Esteban Ferreiro no ano 1714 e a sancristía anexa ao presbiterio.

A fábrica románica consérvase na ábsida, aínda que foi reconstruído. Ten planta rectangular  e no seu exterior podemos observar os contrafortes e o beirado que descansa sobre canzorros figurados no muro sur, xa que no muro norte a  anexión da sancristía eliminounos, deixando tan so un, no interior.

O testeiro da ábsida, segundo Sánchez Puga, foi reconstruído, feito que explica a perda do van . No piñón do testeiro vemos  unha antefixa composta por un cordeiro cunha cruz composta de una cruz latina e unha de San Andrés.

No muro sur vemos canzorros cunha boa talla, semellante aos da igrexa de Santo Estevo de Saiar, os tres anteriores ao estribo son xeométricos os dous primeiros (tres modillóns o primeiro e o segundo unha folla con dous volutas) e o terceiro ten dous zoomorfos coa cabeza levantada e o corpo deitado. Despois do contraforte vemos dous máis: unha figura humana cunha especie de barril encima das pernas e o último é unha cabeza de boi.

Neste derradeiro tramo ábrese un van cuadrangular de cronoloxía posterior.

No muro norte aparte dos engadidos da capela dos Caamaño e da sancristía conserva unha porta lateral cegada baixo un arco de medio punto e unha saeteira; uns canzorros sen labra pódenos levar á existencia dun pórtico. O beirado durme en nove  cans en proa e catro máis despois da capela.

A fachada occidental, hoxe protexida pola torre, coma se fora un pórtico, conta con bóveda de crucería e levantouse no ano 1714.

A portada articúlase por dúas arquivoltas de medio punto con chambrana; na primeira arquivolta, no seu intradós, vemos flores carnosas de seis pétalos acompañadas por catro follas, no seu dorso uns finos baquetóns; a segunda decórase cun groso bocel e unha serie de pequenos arcos de medio punto fan como de grapas.

A chambrana  está formada por once doelas con bustos de anxos en posturas diferentes. As arquivoltas e a chambrana apean en dous pares de columnas. A primeira, a interna, apea en dous columnas cos capiteis moi erosionados, quizáis dúas arpías afrontadas cos cimacios decorados con palmetas e sogueado. A segunda e a chambrana descansan en dous columnas con capiteis vexetais e cimacios con anxos que seguen a traza que xa vimos.

Este conxunto de arcos protexen un tímpano dedicado ó Agnus Dei, cordeiro de deus que sostén cunha pata unha cruz patada e no ángulo esquerdo do espazo timpánico unha flor pentapétala.

 

INTERIOR

A ábsida rectangular cóbrese con cuberta de canón e comunica coa nave por un arco triunfal de medio punto dobrado desornamentado, que conta cunha inscrición  en tres liñas na doela sexta o sétima.

O arco apoia en dúas columnas de fuste engrosado, con capiteis historiados e basas áticas sobre plintos, asentados sobre un banco corrido perimetral . O capitel dereito ten un pequeno animal flanqueado por figuras monstruosas que abren a boca. O capitel esquerdo é fitomórfico.

No presbiterio vemos un arco faixón de medio punto, sen decoración, que descansa en dúas columnas con capiteis vexetais, no da esquerda, sobre as follas colocouse unha froita, unha piña e unha cabeza humana.

Na nave, no muro sur, hai dúas placas de pedra, procedentes dun baldaquino gótico, que segundo Sa Bravo estivo na capela de San Xurxo. Nunha das placas hai un grande arco conopial, que garda outros dous arcos lobulados e aos lados do primeiro ten dous anxos con instrumentos musicais. A outra placa hai dous arcos conopiais e entre eles tres figuras masculinas relixiosas de gran tamaño, na parte superior, no centro hai outras dúas figuras, home e muller coroados e ao seu carón dúas carabelas, que  reflicten o modelo de nao de Colón, poñendo o baldaquino en consonancia co descubrimento de América.

A súa cronoloxía ten dúas etapas, a primeira a mediados do século XII e unha posterior, a principios do século XIII,  que se corresponde coa construción da portada occidental.

Foto antiga de Caldas de Reis coa outra igrexa parroquial de Santo Tomás Becket ao fondo