O noso querido amigo e compañeiro Rafa Gómez Fariña ceiba no ar de Arousa versos solidarios na CX edición da Mesa das Verbas. Facía moito tempo que Rafa non participaba nunha Mesa. Á fin témolo recuperado, unha nova moi feliz para todos.
A poesía é convivencia amical, a poesía é vida!
Prezados amigos:
IMAXE: LA VOZ DE GALICIA
VIVA O DÍA DAS LETRAS GALEGAS!!!
Na Mesa CX, do próximo 29 de maio renderemos unha homenaxe a Xela Arias co recitado dalgún dos seus poemas e tamén nos lembraremos de Lois Pereiro no XXV aniversario do seu pasamento.
Navegaremos pola páxina web da Real Academia Galega:
Tamén visitaremos a web da Biblioteca Virtual Galega da Universidade da Coruña:
Agora transcribimos o editorial do noso boletín Medulio, correspondente ao mes de maio de 2021:
DISQUISICIÓNS
E CONXETURAS SOBRE A LINGUA GALEGA
Disque a situación da
lingua galega hoxe é mala. Que unha grande maioría do pobo dálle as costas á
nosa lingua. Parece ser que se están a perder falantes. A mocidade, agás
honrosas excepcións, non ten inquedanzas por valorala e utilizala. Que o
abandono da aldea ademais de ser negativo por moitas circunstancias tamén é un
motivo do abandono do noso idioma.
Cales poden ser as causas
de tal desfeita idiomática, cando a lingua e a literatura nosas estúdanse nas
escolas e nos institutos e hai un uso institucional da lingua?
As causas son múltiples e
inciden moitos factores. Na mocidade os seus xogos, as súas películas, as súas
cancións non están na lingua de Breogán, os medios de comunicación con máis
audiencia pasan do galego. E temos que recoñecer que radio e a televisión
autonómicas non son de moi boa calidade. Tiña que haber un canle en galego para
os máis novos e con programas de moita calidade e de interese para nenos e
mozos. (Xermán
Manuel Torres)
O noso querido amigo e grande poeta Xosé Ramón Quintáns Suárez ceibando os seus versos na pasada CIX Mesa das Verbas.
Desexamos ver publicado axiña o poemario do amigo Quintáns, que o está preparando con tanto mimo e agarimo, será unha regalía para todos os amantes do trobar ao modo antico, ánimo Ramón e que o deas ao lume canto antes.
O noso compañeiro e amigo José Tizado recitando a Federico García Lorca.
Despois de case dous anos de ausencia obrigada polo maldito bicho por fin puidemos contar cun veterano da Mesa das Verbas. Digno de admiración, que as Musas e os deuses o acompañen sempre.
Alguén calficou de memorable esta Mesa, pois si, polo gozo amigable de compartir versos, de xuntármonos a recitar e a parolar. Hoxe co engadido sorpresivo da presentación do libro do noso querido compañeiro e amigo Cándido Duro Domínguez, Luz do abrente outonizo, un libro para gozar, dicía Manuel Lage que é como unha aventura. Que mellor calificativo, para nós a poesía é iso, aventura.
Segue unha pequena reportaxe en fotografías e microvídeos.
Viva a poesía! Vivan os meseiros!!!
