SÍNTESE
DA CONVOCATORIA
O
VI CONCURSO DE POESÍA EN LINGUA GALEGA XAQUINA TRILLO é organizado pola Asociación Cultural Mesa
das Verbas de Vilagarcía de Arousa coa colaboración da Deputación Provincial de
Pontevedra, do Concello de Vilagarcía de Arousa e do Centro Comercial Arousa.
Ø Pódese
participar a partires dos 15 anos de idade, cumpridos no ano 2026, calquera
persoa que así o desexe.
Ø Cun
poema en idioma galego de ata 60 versos de extensión como máximo.
Ø Presentación
baixo plica.
Ø Abrirase
o prazo de entrega de poemas do 15 de setembro de 2026 ao 30 de novembro de
2026.
Ø Fallo,
primeira quincena do mes de decembro de 2026.
Ø Entrega
de premios, nunha data a determinar, a partires do 21 de decembro de 2026.
Ø Publicaranse
os poemas premiados no blog: https://mesadasverbas.blogspot.com
tamén nun Boletín especial Medulio e
nun número da revista ANACO.
Ø Premios:
1º) 375 € en metálico, vale de 150 €, diploma e agasallo. 2º) 250 € en
metálico, vale de 75 €, diploma e agasallo. 3º) 175 € en metálico, vale de 50
€, diploma e agasallo.
Ø Agasallarase
ao Xurado cun vale de 100 € a cada membro.
BASES
DO CONCURSO
VI
PREMIO DE POESÍA EN LINGUA GALEGA
Xaquina
Trillo
I.- A Asociación Cultural Mesa das Verbas de
Vilagarcía de Arousa en colaboración coa Concellería de Cultura do Concello de
Vilagarcía de Arousa, coa Deputación Provincial de Pontevedra e co Centro
Comercial Arousa de Vilagarcía convoca o VI Concurso de Poesía en Lingua Galega
“Xaquina Trillo”, que se rexerá sobre as seguintes bases e indicando que a
resolución do xurado será inapelable e será este o intérprete do contido e do
espírito destas bases. A participación neste concurso implica a aceptación
plena e absoluta das bases e aceptación sen condicións das decisións soberanas do xurado. Os
concursantes recoñecen no Xurado do concurso a competencia total e absoluta
para dirimir e resolver todo o que ten que ver co mesmo e renuncian a calquera
órgano xurídico e xurisdicional, en definitiva a calquera tipo de foro,
comprometéndose a acatar e respectar e todo o seu conxunto e nas súas partes
estas bases e a autoridade do Xurado polo mero feito de participar neste
concurso.
II.- O concurso está dirixido á participación
de todas aquelas persoas de 15 anos (cumpridos no ano 2026) en diante que
desexen participar, acreditando a súa idade enviando copia do seu NIF, que
introducirán no sobre pequeno da plica.
III.- Os premios en ningún caso poderán declarase
desertos, agás no caso da non participación.
IV.- Participarase cun poema que non exceda dos 60 versos, extensión máxima sesenta
versos. O poema ten que ser inédito e orixinal e non ter sido premiado en
ningún outro concurso.
VI.- O
poema ten que estar escrito necesariamente en idioma galego.
VII.- Presentarase baixo plica, do seguinte xeito:
Nun sobre grande incluirase o poema, que non pode levar ningún signo de
identidade, agás dun lema para o seu recoñecemento. Nun sobre pequeno, que se
introducirá no grande irá unha cuartilla co lema e cos seguintes datos da
autora ou do autor: a) Nome e apelidos; b) Idade acreditada coa fotocopia do
NIF onde figura a data de nacemento. c) Un enderezo de correo electrónico; d)
Un número de teléfono; e) A dirección postal do autor; f) Un pequeno escrito de autorización para a
utilización dos datos persoais a efectos de participación no concurso, avalado
pola nai/pai ou titor/a da persoa participante e co seu consentimento, no caso
dos participantes menores de idade. O sobre pequeno levará eses datos no seu
interior e estará pechado, dito sobre levará no exterior só o lema
identificativo sen máis.
VIII.- O sobre co seu contido será depositado nunha
urna que estará situada nun lugar sinalado e publicitado no Centro Comercial
Arousa de Vilagarcía. Ou ben pode enviarse por correo postal ao seguinte
enderezo: VI Concurso de Poesía en
Lingua Galega “Xaquina Trillo” - Dirección Centro Comercial Arousa,
Prolongación Parque a Xunqueira, s/n – 36600 Vilagarcía de Arousa (Pontevedra).
IX.- O prazo de entrega será desde o 15 de
setembro de 2026 ata o 30 de novembro de 2026.
X.- O
fallo darase a coñecer na primeira quincena do mes de decembro de 2026.
XI.- A entrega de premios será no acto
organizado coa colaboración do Concello de
Vilagarcía de Arousa nunha edición especial da Mesa das Verbas e que oportunamente
se anunciará, a partires da data do 21 de decembro de 2026.
XII.- Publicaranse os poemas premiados no blog: https://mesadasverbas.blogspot.com
Así como nun número especial do noso
Boletín Medulio. Tamén se publicarán nun número da nosa revista poética ANACO,
editada polo Concello de Vilagarcía de Arousa. Para isto, os autores e tamén
por medio dos seus titores, no caso de minoría de idade, cederán durante un ano
os dereitos dos seus poemas para facilitar dita publicación.
XIII.- PREMIOS: a) 1º Premio que consistirá en 375 €,
un vale de 150 € para gastar no Centro Comercial Arousa e xentileza do mesmo,
un diploma e un agasallo do Concello de Vilagarcía de Arousa. b) 2º Premio que
consistirá en 250 €, un vale de 75 € do Centro Comercial Arousa, un diploma e
un agasallo do Concello de Vilagarcía de Arousa. c) 3º Premio que consistirá en 175 €, un vale
de 50 € do Centro Comercial Arousa e un diploma e un agasallo do Concello de
Vilagarcía de Arousa.
XIV.- O Xurado estará composto por un mínimo de tres
persoas que serán designadas pola Asociación Cultural Mesa das Verbas, A
Concellería de Cultura do Concello de Vilagarcía de Arousa, a Deputación
Provincial de Pontevedra e polo Centro Comercial Arousa. E recibirán como
agasallo candaseu vale de 100 € do Centro Comercial Arousa.
XV.- Reitérase que o fallo do xurado é
inapelable, encargado de dirimir e interpretar sobre as presentes bases e que a
participación neste concurso supón a plena e absoluta aceptación das mesmas.
XVI.- O resultado do concurso será dado a coñecer
aos concursantes e será publicado no blog oficial da Asociación Cultural Mesa
das Verbas antes citado, así como na web do Concello de Vilagarcía de Arousa e
na web e Facebook do Centro Comercial Arousa. Tamén serán enviadas notas de
prensa con toda a información pertinente sobre o concurso aos medios de
comunicación social locais.
XVIII.- O manexo dos datos persoais dos
concursantes será exclusivamente para os asuntos relacionados con este
concurso, publicidade, comunicacións, publicacións. Os concursantes premiados,
por medio dos seus titores legais, no seu caso, cumprimentarán un documento
para a autorización do manexo dos seus datos persoais cos fins exclusivos xa
expresados deste concurso.
XIX.- Os traballos non premiados poderán ser
recollidos. Pasado un mes da data de entrega de premios, procederase a súa
destrución e xa non poderán ser reclamados.
O fin deste concurso é
promover a creatividade en lingua galega e fomentar a poesía en idioma galego
entre a mocidade e o público xeral, fomentando a creatividade literaria entre
os cidadáns.
Amosar de antemán a
nosa gratitude a todos os participantes, ao xurado, ás entidades colaboradoras
e a todos cantos contribuíron ao anuncio, difusión e desenvolvemento, así como
ao bo fin deste concurso.
Pretendemos a súa
continuidade no tempo, compartindo ademais a arela do poeta Álvaro Cunqueiro de
mil primaveras máis para a nosa lingua e para a nosa cultura.
SAÚDE E POESÍA!
ASOCIACIÓN CULTURAL MESA DAS VERBAS DE VILAGARCÍA DE
AROUSA
