CXXIV MESA DAS VERBAS - POESÍA NA RÚA - 06-08-2022-19:00 H.

 

CUESTIÓNS A TER EN CONTA

Venres, 05/08/2022, 18:00 h.

ENSAIO DOS POETAS QUE VAN PARTICIPAR NO RECITAL NO CENTRO COMERCIAL AROUSA. (Na Sala de Xuntas do 3º andar do CCA)

Sábado, 06/08/2022 - No Parque da Xunqueira - Vilagarcía de Arousa:

19:00 h.: CONFERENCIA DE D. XESÚS ALONSO MONTERO

20:00 h.: RECITAL POÉTICO 

Mesa das Verbas, 03/08/2012 - Pza. de Galicia de Vilagarcía de Arousa

COA COLABORACIÓN ARTÍSTICA DAS PANDERETEIRAS E DO GRUPO FOLCLÓRICO DA ASOCIACIÓN NÓS DE SOBRADELO.

PATROCINAN:

QUINTÁNS FOI DURMIR FÓRA

 

O noso amigo en compañeiro, nacido en 1940, vén de falecer ás 01:00 hs. do sábado, 30 de xullo de 2022. RIP

ACRÓSTICO A

XOSÉ RAMÓN QUINTÁNS SUÁREZ

(XULLO, 2022)

Xosé Ramón Quintáns Suárez é un honor

o contar contigo, compañeiro das verbas,

ser cal es ti, persoa de feitos e de amor

e bravo "kallaikoi" desta terra galega.

Recibe do teu impenitente amigo

a grande estima por tamaña valía,

mentor que compartes poesías comigo.

Onde esteas, serei a túa compañía,

nunca heiche fallar, fin do confín que sigo.

Queira o ceo que estes fraterno anhelos

urdan axiña por Trabanca Sardiñeira,

interiorizando afáns e sentimentos

na cana dos meus mortais ósos de poeta,

ti, que es merecente dos patrios loureiros

a eles chos cingo no nome da beleza

nestas terras, nestes mares que feiticeiros

soñaches ceibe en indelebles poemas.

Sempiterno arousán de pro, ditoso es!

utópico fistor polas musas unxido,

alma que xeme e canta e nos ceos le,

revelándonos idos mundos esquecidos

en inspirados e rimados versos de seu

zoas polos menceres cal merlo ferido.

         Luis González Bravo "Lois do Salnés"

Lendo o seu premiado Conto de Nadal

Na súa derradeira intervención nun acto da Mesa das Verbas, foi en Catoira o sábado, 28/05/2022

Rodeado de amigos

Intervención na Xeira de Catoira (28/05/2022)

Que tanta ledicia lle causou

XOSÉ RAMÓN QUINTÁNS SUÁREZ, IN MEMORIAM

(Imaxes: a primeira de Andrea F. Maneiro "Nei", a segunda de Xermán Manuel Torres, a terceira e o vídeo de Tere Briones)

DOMINGO, 31/07/2022:

- Ás 18:15 h. traslado do tanatorio á igrexa parroquial de Santiago Apóstolo de Carril.

- Ás 18:30 h. Paraliturxia da Palabra na igrexa parroquial de Santiago Apóstolo de Carril e posterior inhumación dos seus restos mortais no cimeterio municipal de Carril.

LUNS, 01/08/2022:

- Ás 18:30 h. funeral pola alma do noso irmán, tamén no templo da parroquia de Carril

CXXIV MESA DAS VERBAS - Poesía na rúa - 06/08/2022 - Poetic recital - poetry in the street

 

VILAGARCÍA DE AROUSA - BOOK'S CITY - 13 A 19 DE XUÑO DE 2022

 POR ESTE ANO, ISTO FOI TODO AMIGOS

A Feira do Libro de Vilagarcía de Arousa é unha idea xenial, parabéns ao Concello de Vilagarcía de Arousa. Desde a Asociación Cultural Mesa das Verbas aplaudimos e apoiamos a idea desde o primeiro momento. E animamos ao noso Concello para que siga mantendo este acontecemento nos anos vindeiros. Mil primaveras máis para Vilagarcía, Cidade de Libro.

En Vilagarcía de Arousa houbo en outro tempo feiras do libro; pero eran de iniciativa privada. Eu persoalmente teño participado en moitas delas alá nos anos 70 e 80 do pasado século XX. E xa ía sendo o tempo de que a iniciativa pública co Concello da nosa cidade á cabeza tomara cartas neste importante evento, en hora boa.

Independentemente de que a nosa Xunta Directiva se xunte para analizar e avaliar a presente pasada edición, eu neste editorial quixera facer uns apuntamentos por se serven de algo:

1.- Está ben que se inviten escritoras, escritores e personaxes relevantes a este acontecemento; pero, non veñen gratis. Por iso, sería importante mobilizar ás forzas vivas locais: escritoras, escritores e artistas que temos moitos na nosa cidade. Pero, tamén deben ter unha parte do pastel, que non sexa todo para os de fóra, tamén hai que incentivar e motivar aos grupos e ás persoas da vila.

2.- A venda dos libros debe corresponderlle ás librerías da nosa cidade e ás asociacións sen ánimo de lucro de aquí.

3.- Para animación e acompañamento artístico musical contar tamén cos grupos de aquí, que hai moitos. Contando coa xente local pódese desenvolver todo perfecta e magníficamente e sería máis barato e moi atraente.

4.- Estivo ben invitar á feira aos centros escolares e facer moitas actividades para os máis novos. Mais, hai que contar en maior grao cos centros educativos, implicalos máis.

5.- En canto aos horarios das casetas, eu ponteciaría máis o horario vespertino, abriría ás 17:30 h. e pecharía ás 22:00 h. O sábado e o domingo abríría ás 12:00 h. e mantería o mesmo horario de tarde xa citado.

6.- Situaría o escenario principal nunha zona de sombra. Estudiaría unha mellor ubicación.

7.- Nos encontros ao solpor, tamén contaría algúns días coas asociacións e grupos locais.

8.- E convería manter encontros da Administración Local cos grupos participantes para coordinar, compartir ideas, aportar melloras.

9.- E coido que a Concellería a que lle correspondería a coordinación deste gran acontecemento é á Concellería de Cultura.

Xermán Manuel Torres - Presidente da Asociación Cultural Mesa das Verbas de Vilagarcía de Arousa 

REPORTAXE GRÁFICA - FEIRA DO LIBRO - 13-06-2022

IMAXES DE CARMEN CASTEJÓN:

 

IMAXES DE TERE BRIONES: