I XORNADA DE POESÍA E CANTARELA EN SERVISENIOR - AS CAROLINAS - VILAGARCÍA DE AROUSA

Está prevista a participación de: 

1.- Maru

2.- Charo Orive

3.- Dula

4.- Roberto Abal

5.- Xermán Torres

6.- Pilar Lojo

7.- Sole

8.- David

9.- Fon Rey

10.- Ramón Torrado

11.- Jean Carballo

12.- Encarna

13.- Marcelino Romero

14.- Carlos Rey

15.- Isabel Peleteiro

16.- All Guanella

17.- Nasuko

18.- Paco, pintor

19.- Alexandra

20.- Manuel Lage

21.- Lois do Salnés

O venres, 22 de agosto de 2025, a partires das seis da tarde, no Gambrinus do Centro Comercial Arousa teremos ensaio xeral e as indicacións precisas para o desenvolvemento correcto da xornada do día 29.

Poemas que se vaian a recitar teñen que ser curtos, o máximo de curtos posible e que iremos intercalando co seguinte repertorio de cancións populares.

EN GALEGO:

- A Virxe de Guadalupe

- Ai, Pepiño adiós!

- Teño un amor en Rianxo

- A saia da Carolina

- Catro vellos mariñeiros

- Quen puidera namorala

- Ollos verdes son traidores...

EN CASTELÁN:

- La Bamba

- La Chica Ye-Yé

- Eres Tú

- Un ramito de violetas

- Resistiré

Esta é a proposta coa intención de ter a vivencia duns intres de agradable convivencia.

Velaí vai unha pequena reportaxe gráfica do ensaio deste pasado venres 22 no Gambrinus, con imaxes de Xermán Torres e de Roberto Abal:

Para todos os membros da Mesa das Verbas esta foi unha xornada memorable e inesquecible. Grazas a todos, á residencia SEVISENIOR e a súa directora Laura, ao noso introductor e presentador Marcelino Romero, ao noso amigo Carlos Rey e a todas as meseiras e meseiros presentes. Moito agarimo para todos.

REPORTAXE GRÁFICA GRAZAS A PILAR LOJO E A ROBERTO ABAL

ATA OUTRA MILLORADA!

Vídeoclip facilitado por Marcelino Romero con Carlos Rey en acción

Despois da xornada en Servisenior celebramos o parladoiro semanal no bar NOVAS CAROLINAS.

Fotografías xentileza de Marcelino Romero.

E agora si, isto foi todo amigos!!!

 

A NOSA AMIGA YUNGA LLOVO FOI DURMIR FÓRA, 07-08-2025

Yunga Llovo no centro da imaxe

Nosa querida amiga Yunga Llovo, admiradora e seguidora de sempre, desde o principio da Mesa das Verbas, en expresión de don Xesús Alonso Montero foi durmir fóra. Yunga cruzou á outra orela, está xa no alén. Acompañamos á súa familia nestes intres de dor. Lembraremos por sempre a esta fiel seguidora e colaboradora. Ela foi durante uns anos profesora de Francés do IES Castro Alobre, unha persoa culta, afable, agarimosa. Moito temos falado do seu parente Anxo Casal, editor da famosa editorial Nós de Compostela, foi alcalde de Santiago, un alcalde galeguista, cousa que lle custou a vida. Agarimo nos recordos que nos quedan de Yula e nosa solidariedade e pesadume polo seu pasamento. Que a terra lle sexa leve!

Yunga Llovo, in memoriam

 

 

POESÍA NA RÚA - 02-08-2025 20:00

 

Previamente, o venres 1 de agosto de 2025, teremos o ensaio imprescindible para poder participar no recital do día 2. O ensaio terá lugar no Gambrinus do Centro Comercial Arousa ás seis da tarde. Logo do ensaio trasladarémonos a Vilanova para asistir á inauguración da exposición de pintura da nosa amiga e compañeira Charo Orive.

Xa está todo preparado e previsto para unha nova edición de Poesía na Rúa coa colaboración do Concello de Vilagarcía de Arousa e da Deputación Provincial de Pontevedra. Actuarán os grupos da Asociación Cultural Nós de Sobradelo.

SAÚDE E POESÍA!!!

ENSAIO-01-08-2025   18:00 / 19:30

EN VILANOVA DE AROUSA, 01/08/2025   20:00

EXPOSICIÓN DE CHARO ORIVE

POESÍA NA RÚA, RECITAL POÉTICO, 02/08/2025   20:00 - 21:30

Nesta oportunidade, na POESÍA NA RÚA - 2025, ceibaron seus versos e as súas verbas ao ar de Vilagarcía, os seguintes membros da Mesa das Verbas:

1.- Manuel Lage

2.- Tere Briones

3.- Maru

4.- Nasuko

5.- Roberto Abal

6.- Pilar Lojo

7.- Encarna

8.- Jean Carballo

9.- Dula Piñeiro

10.- Luismi

11.- Paula Cascallar

12.- Sole

13.- Paco, pintor

14.- Alexandra

15.- Charo Orive

16.- Xermán Torres

DELEITÁRONNOS COA SÚA PARTICIPACIÓN ARTÍSTICA 

OS GRUPOS DA ASOCIACIÓN NÓS DE SOBRADELO

(Veleiquí uns microvídeos)

E isto foi todo amigos, ata outra millorada!

REPRESENTACIÓN DA MESA DAS VERBAS NA LEMBRANZA DO POETA FAUSTINO REY ROMERO EN ISORNA

 

Eu o crego Faustino Rey Romero chamán que alí en terras de Isorna, xunta o Ulla, fun nado, estes versos comparto, pois sentínme inspirado.

Que o meu premio Deus sexa e que El sexa louvado e que a Virxe me arrede de caer no pecado.

O PASADO SÁBADO, 12 DE XULLO DE 2025, OS NOSOS COMPAÑEIROS E AMIGOS RAMÓN TORRADO, XOSÉ DUARTE RAÑÓ E CHARO ORIVE PARTICIPARON NO ROTEIRO E NO RECITAL POÉTICO EN ISORNA-RIANXO EN LEMBRANZA DO POETA DO ULLÁN FAUSTINO REY ROMERO. A QUEN VAI UNS ANOS LLE RENDEMOS UNHA HOMENAXE NA NOSA INESQUECIBLE XEIRA EN CATOIRA.

PILAR LOJO PIÑEIRO PRESENTA: VERDADES

 

A nosa amiga e compañeira Pilar Lojo Piñeiro presentou o seu primeiro libro VERDADES, o xoves 26 de xuño de 2025, ás 20:30 h. no Faiado da Memoria, entre o público asistente, un gran número de membros da Mesa das Verbas arrouparon a súa querida compañeira.

Da edición foi responsable o noso compañeiro Manuel Lage, que xunto ao tamén compañeiro, non menos querido, Roberto Abal acompañaron na presentación á nosa autora. A maquetación e encadernación do libro foron realizadas pola empresa FerCar, da nosa cidade.

Pilar recitou dous poemas, un dedicado á súa nai e outro á súa avoa materna. Manuel Lage recitou un poema dedicado á avoa paterna de Pilar e da súa autoría. Os tres poemas recitados figuran no libro. Roberto Abal á guitarra acústica fixo o acompañamento musical. 

Parabéns a Pilar Lojo por esta inciativa que demostra que todo o mundo pode ler, escribir e publicar, que non son cousas exclusivas de dous ou tres privilexiados. A Mesa das Verbas anima a todos a lidiar coas Musas e con Fortuna. Ler e escribir é vivir e esas experiencias fannos máis persoas.

E tamén é un gran valor editar de forma sinxela e artesanal, nisto é un mestre Manuel Lage. Os circuítos das editoriais, ás veces, son pechados e difíciles. En hora boa pola autoedición artesanal. Bravo!

REPORTAXE GRÁFICA

VÍDEO CLIP DE TERE BRIONES