CL MESA DAS VERBAS - AUDITORIO MUNICIPAL, 11/04/2025 18:00

 

CXLIX MESA DAS VERBAS - 28/03/2025 18:00 - AUDITORIO MUNICIPAL

 

XA VAN IR ALÁ 149 EDICIÓNS DA MESA DAS VERBAS, DESCONTANDO OS RECITAIS POÉTICOS ESPECIAIS E EXTRAORDINARIOS. MOITOS ACTOS CO PROTAGONISMO DA POESÍA E CO PROTAGONISMO DAS XENTES DO COMÚN QUE AMAN VERSOS E VERBAS NUN CLIMA DE AMIZADE, UNHA VEZ MÁIS VINDE CEIBAR CONNOSCO VERSOS E VERBAS AO AR DE AROUSA.

DESDE XANEIRO DE 2011, MES TRAS MES, ANO TRAS ANO CITÁNDONOS COS DEUSES E COAS MUSAS DA POESÍA, E SEMPRE ALGUNHA MEIGA, ALGÚN TRASGO, ALGÚN DRUÍDA ACOMPAÑÁNDONOS DESDE O ALÉN, AO IGUAL QUE QUERIDOS COMPAÑEIROS E COMPAÑEIRAS QUE TRANSITAN POLOS ESPAZOS SIDERAIS DO MÁIS ALÁ, PERO VELANDO POR NÓS PARA QUE DESFRUTEMOS DA LITERATURA E DA AMIZADE, SEN NINGÚN TIPO DE IMPEDIMENTO. VINDE, VINDE DICIR VOSO CANTAR!!!

Convocatoria do VI Concurso Literario LETRAS GALEGAS - 2025

 

VI CONCURSO LITERARIO LETRAS GALEGAS/2025

CONVOCADO E ORGANIZADO POLA MESA DAS VERBAS E O CENTRO COMERCIAL AROUSA COA COLABORACIÓN DA  SECRETARÍA XERAL DA LINGUA DA CONSELLERÍA DE CULTURA, LINGUA E XUVENTUDE DA XUNTA DE GALICIA

 

1.- Convócase este VI CONCURSO LITERARIO LETRAS GALEGAS / 2025, ideado e organizado pola Asociación Cultural Mesa das Verbas de Vilagarcía de Arousa, coa colaboración do Centro Comercial Arousa e da Secretaría Xeral da Lingua da Xunta de Galicia, co fin de promover a creación literaria en lingua galega.

2.- Poderá participar neste concurso calquera persoa que o desexe e acepte as súas bases. En caso de que a persoa participante sexa menor de idade, deberá achegar a autorización do seu pai, nai ou titor/a legal. Ademais, todos os participantes deberán xuntar unha autorización de manexo dos seus datos persoais para os únicos efectos de xestión do concurso. No caso dos menores, esta autorización deberá ser asinada polos adultos responsables da persoa participante.

3.- Cada persoa poderá presentar só unha obra, que deberá ser un relato curto escrito en idioma galego, orixinal, inédito e que non fose premiado en ningún outro certame. O tema é libre.

4.- A extensión máxima de cada obra será de dous folios por unha soa cara. As presentadas escritas nun procesador de textos farano nun tipo de letra Arial de corpo 11 e as presentadas de xeito manuscrito serán con letra lexible sen manchas, emendas nin texto riscado.

5.-  O orixinal do traballo non pode levar ningún sinal (agás o lema), marca ou calquera outra cousa que poida identificalo. O traballo irá acompañado dun sobre pequeno a xeito de plica que levará o lema escrito por fóra. Nel incluirase un documento cos datos do autor: nome e apelidos, NIF, número de teléfono, enderezo postal e enderezo electrónico. O sobre tamén conterá a autorización de manexo de datos e, no caso dos menores de idade, a de participación (ver punto 2). Este pequeno sobre pechado estará dentro dun sobre grande xunto co orixinal. O sobre grande, tamén pechado, levará escrito o mesmo lema ca o sobre pequeno.

5.- O prazo de entrega será ata o 3 de maio de 2025 (inclusive). As obras serán depositadas nas urnas que se colocarán para o efecto nas dependencias do Centro Comercial Arousa ou serán enviadas ao seguinte enderezo postal: VI CONCURSO LITERARIO LETRAS GALEGAS 2025  Dirección Centro Comercial Arousa, Prolongación Parque A Xunqueira, s/n – 36600 Vilagarcía de Arousa (Pontevedra).

6.- O xurado estará composto por persoas que as entidades promotoras do concurso designen e terá a capacidade de dirimir e interpretar todo o concernente a este concurso. As súas decisións serán inapelables e as persoas participantes aceptan todas as súas resolucións. Os premios non poderán declararse desertos.

7.- A entrega de premios terá lugar o venres 16 de maio de 2025, véspera do Día das Letras dedicado este ano ás pandeireteiras e á literatura de tradición oral e que se conmemora con este acto. Será unha edición especial da Mesa das Verbas que se celebrará a partir das 18:00 h. na sala de usos múltiples, no 1º andar do Centro Comercial Arousa de Vilagarcía de Arousa.

8.- Os premios serán os seguintes:

- 1º PREMIO: 400 €, un vale de compra do Centro Comercial Arousa por valor de 100 € e diploma.

- 2º PREMIO: 300 €, un vale de compra do Centro Comercial Arousa por valor de 50 € e diploma.

- 3º PREMIO: 200 €, un vale de compra do Centro Comercial Arousa por valor de 25 € e diploma.

9.- Os autores ceden todos os seus dereitos sobre as obras durante o prazo dun ano a partir da data da entrega de premios, por se as entidades convocantes tivesen a oportunidade da publicar as obras premiadas. Transcorrido ese ano, os dereitos reverterán de novo nos seus autores.

10.- As obras non premiadas poderán retirarse ata o 30/06/2025 sempre que se acredite debidamente ser a autora ou o autor no momento da recollida. Despois desa data, serán destruídas.

11.- A participación neste concurso implica a total e plena aceptación destas bases.

 

 

Vilagarcía de Arousa, 15 de marzo de 2025

ASEMBLEA ANUAL ORDINARIA, VENRES, 21 DE MARZO DE 2025, 19:00 H.

 

Xermán Torres, como presidente da Asociación Cultural Mesa das Verbas e dentro das súas competencias como tal ten a ben convocar Asemblea Xeral Anual de Socios o día venres, 21 de marzo de 2025, ás 19:00 h. e na Sala de Xuntas (ou outro local dispoñible) do Centro Comercial Arousa coa seguinte orde do día:

1.- Lectura e aprobación, se procede, da acta da anterior Asemblea.

2.- Balance económico de 2024. Estado de contas. Continuidade da conta bancaria. Proposta de cota.

3.- Informacións e propostas do presidente. (Entre elas: Proposta de nomear Socia de Honra da nosa Asociación en favor da escritora e académica FINA CASALDERREY).

4.- Rogos, preguntas, propostas.

Pregamos a todas e a todos  a asistencia a esta nosa Asemblea.

E previamente, de seis a sete teremos o parladoiro semanal no Gambrinus do Centro Comercial Arousa.

SAÚDE E POESÍA!!!

CXLVIII MESA DAS VERBAS, VENRES, 28-02-2025

 

FLORES PARA ROSALÍA NO SEU DÍA

 

Estas dúas imaxes de Charo Orive

Rosalía, a de ollos grandes

e mirada melancólica,

a de corazón inmenso

para mirar e amar

á nosa querida Galicia.

(Xermán Torres)

Enmeigabas as Verbas

que saían da túa man,

embruxando sen descanso.

Quen as poidera atopar?

Sumerxida neste mundo

onde custaba amosar

todos os teus sentimentos

que estaban a florecer.

(Dula Piñeiro)

Rosalía muller de alma romántica

entregada á poesía desde mui curta idade.

Miles de versos e poemas dedicados

á súa benquerida Galicia

van e veñen a percorrer o mundo

desde sempre e para sempre.

(María Carmen Rivadulla "Maru")

Rosalía muller

para recordar sempre

unha grande poeta

e con moito temple.

(Pilar Lojo) 

Lugar máis fermoso

non houbo na terra

que aquel que eu miraba,

que aquel que me dera.

Lugar máis fermoso

no mundo n'achara

que aquel de Galicia,

Galicia encantada!

(Versos que Pilar Lojo atribúe a Rosalía de Castro)

NOS QUEDOU O VERBO

Nos quedou o verbo latindo na alma

vivindo coa túa morte, Rosalía;

orfos herdamos xenerosa grafía

nos versos que o silencio declama.

Dende o máis alá dun mindo de calmas

nos falas muller nas túas poesías,

e andas negra sombra noite e día

suspirando pola Galicia que amas.

Non, non o sabes ti ben... déchesnos tanto!...

que agasallados quedamos co teu don;

eu nas ringleiras das páxinas che planto

palabras que me saen do corazón

e agardo florezan na voz dos cantos

polas albas bicadas, alá por Padrón.

(Luís González Bravo "Lois do Salnés)

Algúns chamaban a Rosalía

a "chorona" polo seu sentimento,

pero iso fai que nos sintamos o amor

que ela tiña a Galicia, á súa terra

e ás súas xentes.

Inesquecible Rosalía,

outros virán, mais ti es única.

CEIBOS DE SABUCEDO

Levade cabalos bravos todas as penas,

correde polos montes e carballeiras,

bebede no riachuelo de frescas augas.

Saltade. Gozade.

Que eu véndovos estarei leda.

E fuxirán convosco 

as tristuras antigas.

Levade, levade cabaliños

as miñas penas.

(Sole Cabezuelo)

Con melancolía miran para o mar

os que noutras terras

teñen que buscar pan.

(María Carmen Rivadulla "Maru")

ROSALÍA

Chove,

nas rúas composteláns

chove,

e coas pingueiras

resoa o teu canto,

apegado aos vellos soportais

Chove

paseniño, paseniño,

mentres o eco

do teu soño

alumea nas nosas almas.

(Augusto Guedes)

LUISMI CON ROSALÍA EN PADRÓN

ROSALÍA HOXE E SEMPRE

ALOUMIÑÁNDONOS.

FELIZ DÍA DE ROSALÍA!

(Carmen Castejón)

Rosalía siempre será recordada

como una diosa en poesía

y en su forma de escribirla;

su recuerdo será imborrable.

(Carme Darriba)

Rosalía mujer melancólica

que plasma en el papel

poemas inolvidables.

Tus lágrimas se derraman

sobre tus simbólicas letras

componiendo maravillosos versos

en una simbiosis perfecta.

Llevas a Galicia por bandera,

matriarca de la bella

y rica lengua gallega.

(Marisa Jamardo)

Rosa sempiterna

Lia eterna.

Su Poesía y Prosa

palabras poderosas.

Siempre vigentes

pasado y presente.

Memoria de Galicia

fue mujer de justicia.

Romántica, generosa,

prodigiosa, asombrosa.

Hoy te recordamos,

Rosalía, te amamos!!

(Luismi)

A escritora de alma triste

e saúde decaída,

ama con forza ao seu pobo,

ten nostalxia de Galicia.

Nos seus poemas falaba

con paixón da súa terriña

e cando vai lonxe dela

sente tristura e morriña.

Nosa lingua é desprestixio

daquela que escribe en galego,

salvando o desinterese

e rachando co desprezo...

(Tere Briones)

Mansamente...

Mansamente...

Por Padrón

descorren as augas túas...

en busca da nosa ría.

Lixeiriño...

Lixeiriño...

Que te agardan

Carril e Vilagarcía.

(Ramón Torrado)

CONCURSO CARTAS DE AMOR - 14-02-2025

 

PREMIADOS

FOTO: Roberto Abal: 3º Premio- Mª José Rodríguez; 2º - Luismi; 1º - Paula Cascallar

Presidiron o acto de entrega: Luis Glez. de la Ballina (CCA), Ramón Torrado e Lois do Salnés (Mesa das Verbas)

PARABÉNS AO PREMIADOS E VELAQUÍ SEUS TEXTOS:

Primeiro premio: Paula Cascallar Latorre

2º Premio: LUISMI

3º Premio: María José Rodríguez García