CHRISTMAS STORY

 

CONTO DE NADAL

(Un conto a oito voces: Paula Cascallar, Mª José Rubianes, Mª Carmen Rivadulla, Tere Briones, Isabel Peleteiro, Augusto Guedes, Marisa Jamardo e Xermán Manuel Torres)

Unha tardiña fría, as folerpiñas tras os cristais da miña fiestra, polo camiño deserto albiscábase unha luz, como un farol ao lonxe. Seguindo o camiño do aire que sopraba, andaba un carro cargado de ananos que tocaban con enfeitizo melodías e ao sacudir da pandeireta, caeu unha estrela ao chan...

Prendendo o farol que naquela soidade moraba unha ruína. O farol, en medio do lume, iluminou unha casiña pequena, moi preto do lugar, onde vivía un pobre leñador con catro nenos pequenos  que xogaban alegres coa roda dun carro moi vello... Rodaban felices pola estrada chea de neve, sen pensar se habería algo que cear esa noite tan importante; a noite de Noiteboa...!!!

Nese intre os ananiños ao ver tanta pobreza baixaron do carro con bolsas cheas de manxares doces, turróns... para que ese pequenos xunta ao seu pai puideran pasar un Nadal feliz.

Naquela casa non parecía o Nadal, polo que os ananiños foron buscar un daqueles pequenos abetos que encontraron polo camiño. Ao volver decatáronse que ao lado do chan onde caera aquela estrela había un envoltorio. Ao abrilo, estaba o Misterio: María, Xosé e o Neno Xesús entre pallas. Levárono á casa do leñador e alí comezaron a celebrar cos nenos ese Nadal.

Transcorreu a noite e ao amencer é Nadal. Os nenos puideron ver tras da xanela o bosque cuberto de neve e con ela xorden os animais que veñen a dicirlles: Bo Nadal.

Nunca esqueceran aquela noite de Nadal. Os catro irmáns miraban cos ollos abertos a través da xanela a presenza dos animais que se achegaban á casiña. Cervos, pequenos corzos e coelliños brancos que se perdían entre a neve. Carliños miraba aos seus irmáns pequenos, con palabras que quedaban enguedelladas nos ollos. Á fin berraron ao mesmo tempo, co sorriso de orella a orella. NUNCA ESQUECERÍAN AQUELA NOITE.

E á fin todos desfrutaron desta marabillosa velada chea de belidas sorpresas e lembraron as anécdotas vividas ao redor da calor da fogueira, choupando de ledicia e de gozo. Foi un Nadal repleto de amor e paz.

CV MESA DAS VERBAS - PRESENTACIÓN ANACO 4

 POETIC RECITAL AND PRESENTATION OF THE MAGAZINE Anaco 4.

VÍDEO:

Noso amigo e compañeiro Xosé Ramón Quintáns Suárez ceibando seus versos ao ar de Arousa.

MESA DAS VERBAS CV - PRESENTACIÓN DE ANACO 4 (III)

 POETIC RECITAL AND PRESENTATION OF THE MAGAZINE Anaco 4 (III):

VÍDEOS:

O noso amigo e compañeiro Alberto Avendaño agasallándonos os seus versos.

Estade atentos ao blogue, iremos colgando máis vídeos.

SAÚDE E POESÍA!!!

MESA DAS VERBAS CV - PRESENTACIÓN ANACO 4 (II)

 POETIC RECITAL AND PRESENTATION OF THE MAGAZINE Anaco 4.

REPORTAXE GRÁFICA

EN SUCESIVAS ENTRADAS IREMOS COLGANDO VÍDEOS, ESTADE ATENTOS E DESFRUTADE DAS IMAXES

REPORTAXE GRÁFICA DA CV MESA E PRESENTACIÓN DE ANACO 4 (I)

POETIC RECITAL AND PRESENTATION OF THE MAGAZINE Anaco 4

 IMOS OFRECER UNHA REPORTAXE GRÁFICA DA CV MESA DAS VERBAS NA QUE PRESENTAMOS A REVISTA POÉTICA ANACO 4, QUE SE CELEBROU O PASADO SÁBADO 21 DE NOVEMBRO DE 2020, ÁS 18:00 H. NA SALA DE CONFERENCIAS DO AUDITORIO MUNICIPAL DE VILAGARCÍA DE AROUSA (AS IMAXES FORON OBTIDAS POR TERE BRIONES E AL GUANELLA):

CONTINUARÁ

UNHA NOVA MESA DAS VERBAS A CV

 

Nesta edición presentaremos a nosa revista ANACO 4, grazas ao patrocinio da Concellería de Cultura do noso Concello, manifestamos nosa gratitude e a nosa satisfacción. E xa sabedes a partir de agora xa estamos traballando polo ANACO 5, todos os que o desexen poden enviar os seus traballos.

Temos aforo limitado a 30 persoas e seguiremos as normas COVID-19 e estaremos a seguir as recomendacións e directrices que nos faga chegar o Concello de Vilagarcía de Arousa.

CONTAREMOS COA COLABORACIÓN MUSICAL DA ALUMNA DE 6º DE PIANO DO NOSO CONSERVATORIO PROFESIONAL DE MÚSICA MUNICIPAL EUGENIA FERNÁNDEZ TABOADA, MÚSICA E POESÍA, BO MATRIMONIO.

Eugenia vai interpretar ao piano:

INICIO: Nocturno de Eduard Grieg

FINAL:  Nocturno do # menor de F. Chopin

               Nocturno Op. 55, núm. 1 de F. Chopin

E VINDE CONNOSCO CEIBAR OS VOSOS VERSOS AO AR DE AROUSA E A VER SE APLACAMOS AO MALDITO VIRUS E FOXE DE CANDA NÓS DUNHA VEZ POR TODAS!!!

QUE BOA XORNADA A DO SÁBADO 17!

 

Xuntámonos un grupo de amigos e amigas para celebrar a CIV Mesa das Verbas e a VI Xornada Filgueira Valverde, sempre en Galicia, acompañounos e presidiu o acto a Concelleira de Cultura Sonia Outón, con quen compartimos mesa X. Fernando Filgueira Iglesias, fillo de D. Xosé e actual Presidente da Fundación Filgueira Valverde, quen representaba á familia do noso homenaxeado, agradecemos a Sonia Outón os seus apoios á Mesa das Verbas e a Fernando Filgueira a asistencia del e dalgúns familiares a este novo econtro, arroupaba tamén a mesa Xermán Manuel Torres, Presidente da Asociación Cultural Mesa das Verbas.

Todo ía transcorrer entre versos e verbas, abríu o acto cunhas  fermosas e sentidas palabras de acollida e de benvida o noso amigo e compañeiro Xosé Ramón Quintáns, que tamén agradeceu a presenza da familia Filgueira e tivo palabras de loubanza para o seu profesor e eminente home da nosa cultura Xosé Filgueira Valverde.

Tivemos como sempre o recital poético, na primeira parte, onde se declamaron algunhas das cantigas de D. Xosé, da súa obra 6 cantigas de mar in modo antico.

Participaron no recital:

Xosé R. Quintáns, Luis González, Maru (quen leu un poema da nosa querida compañeira Isaura Lago), Paula Cascallar, Manuel Lage, Al Guanella (que recitou un fermoso poema de Rafael Alberti dedicado ao seu can), Rafa Villar e Xermán Manuel Torres.

Na segunda parte, Xermán presentounos o seu libro: Antón Fraguas Fraguas e Xosé Filgueira Valverde, dous grandes amigos na galeguidade. Novas Ediçoes Academicas, 2020. E disertou sobre: Antón Fraguas e Xosé Filgueira, dúas vidas que converxen. A continuación houbo un pequeno coloquio que abriu X. Fernando Filgueira Iglesias, que recoñeceu o labor dos galeguistas do interior que souberon manter aceso e vivo o lume do galeguismo en circunstancias adversas. Pechou o acto a representante do Concello no acto Sonia Outón quen subliñou o labor de tantas persoas que en circunstancias moi difíciles traballaron pola lingua e pola cultura galega.

Logo trasladámonos á terraza do bar A Tertulia da Avenida da Mariña, onde seguimos en animado e agradable parladoiro.

E isto foi todo amigos, ata outra millorada!!!