IV XAQUINA TRILLO

 

AGASALLO DA MESA DAS VERBAS PARA O NOSO SOCIO DE HONRA: D. XESÚS ALONSO MONTERO

 

D. Xesús Alonso Montero, erudito home da literatura e da cultura galegas, fainos o galano de ser noso amigo e admirador da Mesa das Verbas e ten colaborado connosco en múltiples ocasións. Pola relación de amizade e de admiración mutuas, o noso presidente, o día 1 de novembro de 2024, fíxolle entrega dun agasallo no nome da nosa Asociación como demostración do noso agarimo pola súa persoa, sempre coherente coas súas ideas e co seu compromiso de defensa da lingua e da cultura galegas. Para nós é un modelo de integridade moral ao ser sempre un "obreiro da causa galega".

XEIRA DE VILANOVA DE AROUSA, domingo, 27 de outubro de 2024

 

REPORTAXE GRÁFICA DE XERMÁN TORRES

Diario de Arousa, 28/10/2024

IV CONCURSO DE POESÍA EN LINGUA GALEGA XAQUINA TRILLO

 BASES

IV PREMIO DE POESÍA EN LINGUA GALEGA

Xaquina Trillo

 

A Asociación Cultural Mesa das Verbas de Vilagarcía de Arousa en colaboración coa Concellería de Cultura do Concello de Vilagarcía de Arousa, coa Deputación Provincial de Pontevedra e co Centro Comercial Arousa de Vilagarcía convoca o IV Concurso de Poesía en Lingua Galega “Xaquina Trillo”, que se rexerá sobre as seguintes bases e indicando que o fallo do xurado será inapelable e será este o intérprete do contido e do espírito destas bases. A participación neste concurso implica a aceptación plena e absoluta das bases e aceptación sen condicións das  decisións soberanas do xurado.

 

I.                  O concurso está dirixido á participación de todas as persoas que desexen concorrer, a partires dos 16 anos, cumpridos no ano 2024, e sen límite de idade, iso si, cumprindo a idade de partida (os dezaseis anos-2024).

II.               Os premios en ningún caso poderán declarase desertos, agás no caso da non participación.

III.           Participarase cun poema que non exceda  dos 60 versos, extensión máxima sesenta versos. O poema ten que ser inédito e orixinal e non ter sido premiado en ningún outro concurso.

IV.           O poema ten que estar escrito necesariamente en idioma galego.

V.              Presentarase baixo plica, do seguinte xeito: Nun sobre grande incluirase o poema, que non pode levar ningún signo de identidade, agás dun lema para o seu recoñecemento. Nun sobre pequeno, que se introducirá no grande irá unha cuartilla co lema e cos seguintes datos da autora ou do autor: a) Nome e apelidos; b) Idade acreditada coa fotocopia do NIF onde figura a data de nacemento. c) Un enderezo de correo electrónico; d) Un número de teléfono; e) A dirección postal do autor; f) O nome e identificación do centro de estudos, caso nas persoas de 16 anos. g) Un pequeno escrito de autorización para a utilización dos datos persoais a efectos de participación no concurso, avalado pola nai/pai ou titor/a da persoa participante e co seu consentimento, no caso dos participantes menores de idade. O sobre pequeno levará eses datos no seu interior e estará pechado.

VI.           O sobre co seu contido será depositado nunha urna que estará situada nun lugar sinalado e publicitado no Centro Comercial Arousa de Vilagarcía. Ou ben pode enviarse por correo postal ao seguinte enderezo:  IV Concurso de Poesía en Lingua Galega “Xaquina Trillo” - Dirección Centro Comercial Arousa, Prolongación Parque a Xunqueira, s/n – 36600 Vilagarcía de Arousa (Pontevedra).

VII.       O prazo de entrega será desde o 21 de outubro de 2024 ata o 9 de decembro de 2024.

VIII.    O fallo darase a coñecer o 23 de decembro de 2024.

IX.           A entrega de premios será no acto que celebre o Concello de  Vilagarcía de Arousa co gallo do Día de Rosalía  de 2025 e que oportunamente se anunciará. Ou nunha Mesa das Verbas que tamén se anunciará con antelación.

X.              Publicaranse os poemas premiados no blog: https://mesadasverbas.blogspot.com Así como nun número especial do noso Boletín Medulio. Tamén se publicarán nun número da nosa revista poética ANACO, editada polo Concello de Vilagarcía de Arousa. Para isto, os autores e tamén por medio dos seus titores, no caso de minoría de idade, cederán durante un ano os dereitos dos seus poemas para facilitar dita publicación, por medio dun escrito expreso.

XI.           PREMIOS: a) 1º Premio que consistirá en 300 €, un vale de 100 € para gastar no Centro Comercial Arousa e xentileza do mesmo, un diploma e un agasallo do Concello de Vilagarcía de Arousa. b) 2º Premio que consistirá en 200 €, un vale de 50 € do Centro Comercial Arousa, un diploma e un agasallo do Concello de Vilagarcía de Arousa.  c) 3º Premio que consistirá en 100 €, un vale de 25 € do Centro Comercial Arousa e un diploma e un agasallo do Concello de Vilagarcía de Arousa.

XII.       O Xurado estará composto por un mínimo de tres persoas que serán designadas pola Asociación Cultural Mesa das Verbas, A Concellería de Cultura do Concello de Vilagarcía de Arousa, a Deputación Provincial de Pontevedra e polo Centro Comercial Arousa.

XIII.    Reitérase que o fallo do xurado é inapelable, encargado de dirimir e interpretar sobre as presentes bases e que a participación neste concurso supón a plena e absoluta aceptación das mesmas.

XIV.   O resultado do concurso será dado a coñecer aos concursantes e será publicado no blog oficial da Asociación Cultural Mesa das Verbas antes citado, así como na web do Concello de Vilagarcía de Arousa e na web e Facebook do Centro Comercial Arousa. Tamén serán enviadas notas de prensa con toda a información pertinente sobre o concurso aos medios de comunicación social locais.

XV.       O manexo dos datos persoais dos concursantes será exclusivamente para os asuntos relacionados con este concurso, publicidade, comunicacións, publicacións. Os concursantes premiados, por medio dos seus titores legais, no seu caso, cumprimentarán un documento para a autorización do manexo dos seus datos persoais cos fins exclusivos xa expresados deste concurso.

XVI.   Os traballos non premiados poderán ser recollidos. Pasado un mes da data de entrega de premios, procederase a súa destrución e xa non poderán ser reclamados.

O fin deste concurso é promover a creatividade en lingua galega e fomentar a poesía en idioma galego entre a mocidade e os cidadáns en xeral, a lingua galega é cousa de todos e todos debemos cultivala.

Amosar de antemán a nosa gratitude a todos os participantes, ao xurado, ás entidades colaboradoras e a todos cantos contribuíron ao anuncio, difusión e desenvolvemento, así como ao bo fin deste concurso.

Pretendemos a súa continuidade no tempo, compartindo ademais a arela do poeta Álvaro Cunqueiro de mil primaveras máis para a nosa lingua e para a nosa cultura.

SAÚDE E POESÍA!

ASOCIACIÓN CULTURAL MESA DAS VERBAS DE VILAGARCÍA DE AROUSA 

 

IV CONCURSO DE CONTOS DE NADAL - 2024

 

O PÓRTICO DA GLORIA, PORTAL DE COMPOSTELA, por Augusto Guedes - 11-10-2024 19:00

 

PRESENTACIÓN DO POEMARIO DE AARÓN FRANCO - Venres, 4 de outubro de 2024 20:00

 

REPORTAXE GRÁFICA DE MINGOS

RECITAL POÉTICO NO CENTRO CULTURAL BREOGÁN- Sábado, 28-09-2024 18:00 h.

 Este vindeiro sábado 28 e a partires das seis da tarde, ceibaremos verbas e versos ao ar no Centro Cultural Breogán do barrio de Vilagarcía de Arousa chamado O Piñeiriño, tamén coñecido como As Pistas.

O Centro Cultural Breogán está na rúa Fermín Bouza-Brey, nº 7 - 36600 Vilagarcía de Arousa. Tomade como referencia a Librería DomLópez, seguide cara arriba e axiña chegades ao local.

Os que vindes de fóra tomade a estrada cara Vilaxoán, pasando pola Lomba e collendo dirección cara a Piscina Municipal, non teredes perda. O Piñeiriño é un barrio que agora está de moda.

Rúa Fermín Bouza-Brey, ao fondo está o Centro Cultural

nesta mesma beirarrúa.

E contaremos coa colaboración artística de Al Guanella coa súa cadeliña Tana

Actuación financiada polo plan CULTUREA  da Deputación Provincial de Pontevedra

REPORTAXE GRÁFICA DE XERMÁN TORRES

LUÍS ALONSO GIRGADO EN VILAGARCÍA DE AROUSA, VENRES, 20-SETEMBRO-2024 - 19:00 HS.

CONFERENCIA APRAZADA, POR INDISPOSICIÓN DO PROFESOR ALONSO, ATA NOVO AVISO. PEDIMOS DESCULPAS POLAS POSIBLES MOLESTIAS CAUSADAS.

NOVELA HISPANOAMERICANA: TÍTULOS DE INTERÉS

PROPOSTA BIBLIOGRÁFICA DE LUIS ALONSO GIRGADO

 

ü  Héctor Abad Faciolince: El olvido que seremos

 

ü  Karina Sainz Borgo: La hija de la española

 

ü  Arturo Uslar-Pietri: Las lanzas coloradas

 

ü  Alberto Barrera Tjszka: Patria o muerte

 

ü  Miguel Otero Silva: Casas muertas

 

ü  Rómulo Gallegos: Doña Bárbara

 

ü  Ramón José Sender: La aventura equinoccial de Lope de Aguirre

 

ü  Guillermo Cabrera Infante: La Habana para un infante difunto

 

ü  Antonio Skármetta: El cartero de Neruda

 

ü  Adriano González León: País portátil

 

ü  Manuel Puig: El beso de la mujer araña

 

ü  Jorge Edwards: Persona non grata

 

ü  Luis Sepúlveda: El viejo que leía novelas da amor

 

ü  Mario Benedetti: La tregua

 

ü  Mariana Enríquez: Peligros de fumar en la cama

 

ü  Claudia Piñeiro: Las viudas de los jueves

 

ü  Carlos Fuentes: La muerte de Artemio Cruz

 

ü  Leonardo Padura: Las cuatro estaciones

 

ü  Juan Rulfo: El llano en llamas

 

***    ***    ***

 

Ø  Pablo Neruda: Odas elementales.    //  Veinte poemas de amor y una...

 

Ø  Nicanor Parra: Poemas y antipoemas

 

Ø  Rubén Darío: Cantos de vida y esperanza

 

Ø  César Vallejo: Poemas humanos

 

Ø  Gabriela Mistral: Tala. Lagar. Desolación

 

AUTÓGRAFOS DESTA PROPOSTA LITERARIA

 

POESÍA NOS BARRIOS

 

POESÍA NA RÚA, sábado, 3 de agosto de 2024 20:00

 

PRIMEIRO ENSAIO: Venres, 2 de agosto de 2024 - 18:30 h., na Sala de Conferencias do Auditorio Municipal de Vilagarcía de Arousa.

SEGUNDO ENSAIO - Ensaio Xeral e toma de contacto no escenario na Praza de Galicia de Vilagarcía de Arousa (caso de mal tempo no Salón Principal do Auditorio Municipal) de 18:00 h. a 19:00 h.

Condición necesaria para poder participar no recital do día 3 é a participación nos ensaios. A xente de lonxe, só estará obrigada a participar no segundo ensaio.

Os poetas participantes teñen que entregar unha copia escrita do que van a recitar á organización.

O DÍA 3, O RECITAL DARÁ COMEZO ÁS OITO DA TARDE CON ESTE ESQUEMA:

1.- Ábrese o acto con dous pases do grupo NÓS

2.- Primeira parte do recital poético a cargo da metade dos poetas.

3.- Seguen outros dous pases do grupo NÓS

4.- Segunda parte do recital poético coa outra metade dos poetas.

5.- Péchase o acto con dous / tres pases do grupo NÓS

REPORTAXE GRÁFICA DO NOSO SECRETARIO, LOIS DO SALNÉS:

FOTOGRAFÍAS FACILITADAS POR TERE BRIONES:

IMAXE CEDIDA POR XOSÉ DUARTE RAÑÓ: