ENTREGA DE PREMIOS III XAQUINA TRILLO - 22-02-2024 20:00

 

PREMIOS DO III CONCURSO DE CONTOS DE NADAL

 

DO III CONCURSO DE CONTOS DE NADAL PATROCINADO POLO CENTRO COMERCIAL AROUSA E ORGANIZADO POLA ASOCIACIÓN CULTURAL MESA DAS VERBAS DE VILAGARCÍA DE AROUSA, RESULTARON GAÑADORAS:

1º PREMIO: Paula Cascallar Latorre co seu conto:

2º PREMIO: Rocío Torrado Bea, co seu conto:

3º PREMIO: Mª José Rodríguez García, co seu conto:

Parabéns ás tres escritoras premiadas e moitas grazas ao Centro Comercial Arousa por ter patrocinado esta nova edición dos Contos de Nadal. E agardamos que no Nadal futuro poidamos seguir convocando este concurso. Animamos a todos a ler e a escribir.

LER E ESCRIBIR É VIDA!!!

As premiadas cos membros do Xurado

Asistentes á entrega de premios

 

III CONCURSO DE POESÍA EN LINGUA GALEGA XAQUINA TRILLO - PREMIOS

 

PRIMEIRO PREMIO: Ángeles Rey Fernández

IES A BASELLA – Vilanova de Arousa

RECORDOS

 

As horas pasan

convértense en días

convértense en meses

Meses sen ti

 

Escoito a túa voz no vento

estraño o teu riso neste momento

boto en falta as conversas interminables

palabras memorables

Meses sen oírte

 

A cor dos teus ollos vexo no bosque

guerras de miradas

miradas que a ambos nos namoraban

o verde dos teus ollos que me embruxaban

Meses sen mirarte

 

Os meses convértense en anos

anos sen os teus bicos

anos sen a túa mirada

anos sen o teu riso

 

el arrebatoute de min

pero a dor chegou ao seu fin

estaremos xuntos por fin

meu amor, chegou a hora

acompañarei a túa eternidade

terminará a miña soidade

 

O infinito xuntos

SEGUNDO PREMIO: Alejandra Otero Santorum

IES A BASELLA – Vilanova de Arousa

 

PALABRAS

 

Sempre tan puro, tan bonito por dentro,

que as bolboretas acomplexábanse das súa ás ao velo pasar.

Tan vivaracho como el sempre foi,

como sempre contaxiaba aos demais.

 

Porque hai cousas preciosas,

pero que a xente nos fai pensar que están mal

que acabamos por ocultalas no fondo dos nosos máis profundos sentimentos.

non quero máis reproches a min mesmo por ser eu. Non quero máis reproches por destacar,

aínda sen intentalo

 

Pode que fale de el.

Ou de ti.

Ou de ninguén.

Porque iso é o bonito das palabras;

que a diferencia dalgúns perfectos sentimentos, elas son libres.

 

Aínda que supoño, tamén poden ferir.

TERCEIRO PREMIO: Lucía García Abalo

COLEXIO SAN FRANCISCO – Vilagarcía de Arousa

 

BOLBORETAS

 

Eses animais fermosos,

cun voo espectacular,

e unhas cores marabillosas,

que cando as miras te van a namorar.

 

A bolboreta pousa,

pousa na flor,

e pousa no teu corazón,

e así descobres que é o amor.

 

Cada vez que cruzabamos as miradas,

cada vez que falabas cos teus amigos,

cada vez que traías ese abrigo

sentía como o meu corazón te chamaba.

 

Este sentimento tenme tola

fai que sinta tantas emocións,

que cando te vexo non podo nin abrir a boca

e na miña mente dedícote varias cancións.

 

Son a túa marioneta,

controlas os meus sentimentos

e agora ata trouso bolboretas,

que fan que me quede sen alento.

 

Non sei que facer,

que pasa se che digo a verdade?

Que podería acontecer?

Quizais eu te agrade?

 

E se estas bolboretas non son mutuas?

E se ti queres á outra?

Eu quedarei sentada soa na rúa,

esperando unha mensaxe túa.

 

Intentarei deixar de pensar en ti,

intentarei afogar todas estas bolboretas,

intentarei vivir sen ti

e intentarei esquecer a túa silueta.   

 

ENTIDADES COLABORADORAS:

CXXXVIII MESA DAS VERBAS - 27-01-2024 18:00

 

COA COLABORACIÓN DO CONCELLO DE VILAGARCÍA DE AROUSA E DA DEPUTACIÓN DE PONTEVEDRA MEDIANTE O PROGRAMA CULTUREA

Previamente, na Sala de Conferencias do Auditorio Municipal de Vilagarcía de Arousa, ás cinco da tarde do sábado 27, teremos Xuntanza Ordinaria da Xunta Directiva da Asociación Cultural Mesa das Verbas e posteriormente ao recital poético, sobre as oito da tarde no mesmo lugar, celebrarase unha Asemblea Xeral Ordinaria coa seguinte orde do día:

    1.- Lectura e aprobación, se procede, da acta correspondente.

    2.- Estado de contas e balance económico do exercicio 2023.

    3.- Informes e propostas da Presidencia.

    4.- Continuidade da conta bancaria coas mesmas condicións.

    5.- Rogos e preguntas.

SÍNTESE DO BALANCE ECONÓMICO DO 2023

HABER: ... ... ... ... ... ...  2.782,8 €

DEBE: ... ... ... ... ... ... ... 2.469,75

SALDO:  ... ... ... ... ... ...    313,05

SALDO ANTERIOR ...    586,04

ESTADO DA CONTA

(29/12/2023) ... ... ... ... ...    899,09

No 2023, recibimos unha colaboración da Secretaría Xeral de Política Lingüística por valor de 1.500 €.

E da Deputación Provincial de Pontevedra: 392,80 €.

O Concello de Vilagarcía de Arousa colabora co patrocinio e edición de 2 números anuais da nosa revista poética ANACO, facilítanos locais e espazos para as nosas actividades, pon a nosa disposición cartelería, programas, web, agasallos, diplomas para os nosos concursos e actividades. E sempre pon ao noso dispor seus recursos persoais e materiais.

E contamos co importante mecenazgo e colaboración do Centro Comercial Arousa, destacando o papel que desempeña o seu director, estreito colaborador da nosa Asociación, D. Luís González de la Ballina González.

E todo non sería posible sen o entusiasmo e dedicación dos socios, da Xunta Directiva, dos simpatizantes, do público que asiste ás nosas actividades e de moitos centros de ensino. E de todos os colaboradores.

Tamén agradecemos a colaboración dos medios de comunicación, pero, pedímoslle que dediquen máis espazos á cultura local, deberan ter seccións fixas como unha boa axenda cultural.

E alguén debera coordinar a axenda cultural de Vilagarcía, porque ás veces, de forma lamentable, dase unha coincidencia de actos, que poderían estar mellor repartidos e distribuidos no tempo.

Ao mellor tamén sería desexable a posta en funcionamento dun Consello Local de Cultura.

E a cesión de locais municipais para o uso das Asociacións Culturais sen ánimo de lucro para poder ter xuntanzas e gardar seus arquivos e materiais.

E tamén sería conveniente renovar e actualizar a web municipal na relación que fai de grupos e asociacións culturais; pois, está desfasada.

E a cultura non é un gasto; é unha inversión que redunda no benestar da cidadanía.

A todos grazas, a MESA DAS VERBAS

O NÚMERO 008 PREMIADO NA NOSA RIFA

 

A persoa encargada de recoller a cesta de Nadal para facer a súa entrega a Casa

de Acollida de San Cibrán de Cáritas de Arousa

Na Mesa das Verbas estamos moi ledos co resultado do sorteo da Cesta de Nadal nos doada polo Centro Comercial Arousa e confeccionada polo Hiper Froiz, xa que a persoa agraciada e posuidora do número 008, cedeu o seu premio para ser entregado en beneficio dos acollidos na Casa de San Cibrán de Cáritas de Arousa. Estamos moi contentos de que a nosa cesta teña tan bo fin.

Parabéns a todos os distribuidores da rifa e das persoas que as recolleron. Hai no noso mundo moitas luciñas acesas, xente boa e solidaria!!!

SAÚDE, SOLIDARIEDADE E POESÍA!

FELIZ E VENTUREIRO ANINOVO 2024!!!

O SEMINARIO DE ESTUDOS GALEGOS E VILAGARCÍA DE AROUSA

 

O Seminario de Estudos Galegos (1923-1936), a institución científica e cultural privada máis importante de Galicia do século XX, vinculada á Universidade de Santiago de Compostela e á intelectualidade galega daquel tempo, destacando á importante Xeración Nós (Losada Diéguez, Risco, Otero Pedrayo, Castelao, Cuevillas, Ramón Cabanillas, Xocas,...) e ao chamado grupo do Seminario, considerados epígonos do grupo Nós (Fermín Bouza Brey, Xosé Filgueira Valverde, Lois Tobío, Martínez López, entre outros), desenvoveu, nos seus escasos trece anos de vida, un labor insuperable e digno da máxima loanza a prol da nosa lingua galega e da cultura da Nosa Terra.

Parabéns ao SEG, merecente da nosa lembranza agarimosa e chea de admiración e respecto, na celebración do seu centenario (1923-2023).

Por medio dos dous documentos de inicio desta entrada queremos lembrar a relación do SEG coa nosa cidade e co noso Concello de Vilagarcía de Arousa, xa que practicamente ningunha institución oficial da nosa vila tivo en conta esta efeméride para render tributo e homenaxe aos homes e ás mulleres do SEG, agás da Mesa das Verbas, que celebrou unha das súas xeiras, en conmemoración de dito organismo, en Santiago de Compostela na sede do Instituto Padre Sarmiento de Estudos Galegos e da Secretaría Xeral de Política Lingüística, o pasado 13 de outubro de 2023 e na anterior xeira en Pontevedra, a Mesa rendeu unha lembranza ao SEG na visita ao Museo de Pontevedra, en especial ás Salas dedicadas a Castelao, seminarista destacado.

Tamén o Faiado da Memoria, organizou e realizou a presentación dun libro da profesora Aurora Marco sobre a primeira muller seminarista.

Salvo estas dúas entidades culturais privadas vilagarcianas, practicamente ningún organismo oficial da capital arousá, ate o de agora, tivo iniciativa algunha e incluso se rexeitou algún ofrecemento xeneroso para organizar algún acto con esta importante e irrepetible ocasión.

A MESA DAS VERBAS tamén dedicará o seu parladoiro do venres 22 de decembro, a partires das seis da tarde no bar-cafetería LA MARINA, sito na Alameda de Vilagarcía para difundir os dous documentos do inicio desta entrada e render unha nova homenaxe ao SEG e destacar a súa relación con Vilagarcía de Arousa. Este parladoiro, como todos, está aberto a quen desexe participar e intervir. Vémonos, pois, o 22, ás seis da tarde na Marina.

Neste parladoiro tamén se distribuirán a nosa revista ANACO 10, xentileza do Concello de Vilagarcía de Arousa e o noso Boletín Medulio, o nº 62, correspondente ao mes de decembro de 2023.

Aí querémosvos ver!

JULIO CORDAL CARÚS

(Foto cedida pola viúva de Luis Cordal Carús)

D. Julio, eminente vilagarcián, pertencente a unha ilustre familia de Vilagarcía de Arousa (un tío seu, que ten dedicada unha praza na nosa cidade, o Dr. Carús, autor dun importante e pioneiro estudo sobre o plancton da Ría de Arousa, e o seu irmán Luis Cordal Carús, que foi un querido dentista na nosa vila, home moi deportista que foi presidente do Arousa F.C. e fundador do Club de Mar). D. Julio foi un membro destacado do Seminario de Estudos Galegos, foi coautor con Lois Tobío e con Filgueira Valverde dun vocabulario galego-castelán con 16.000 entradas, alá no final dos anos 20, principios do 30 do pasado século XX.

IMAXES DESTE PARLADOIRO DO VENRES, 22/12/2023

CEDIDAS POR LOIS GONZÁLEZ E ROBERTO ABAL

FELICES FESTAS

E

VENTUREIRO 2024

SAÚDE E POESÍA!!!

POESÍA CON LAGE E ROBERTO ABAL E TAMÉN CON DULA PIÑEIRO

 

Acompañemos nesta xeira poética a Manuel Lage e a Roberto Abal e lembrando ao grande Federico García Lorca e os seus famosos Seis poemas galegos. Nos que Eduardo Blanco Amor e Guerra da Cal tiveron moito que ver.

 

O venres día 15, ás sete da tarde, na Pastoriza-Vilanova de Arousa, presentación do poemario de Dula Piñeiro: MAREAS DA VIDA. Outra cita poética á que non podemos faltar.

 

SAÚDE E POESÍA!!! 

FOTOGRAFÍAS CEDIDAS POR ROBERTO ABAL E O FAIADO DA MEMORIA:

FOTOS CEDIDAS POR ROBERTO ABAL, 15/12/2023:

Imaxes de Pilar Lojo Piñeiro

VÍDEO CLIP CEDIDO POR DULA PIÑEIRO

VÍDEO CLIP DE ROBERTO ABAL